पुनर्वासको सरस्वती माविकी अपेक्षा लामिछानेले ल्याइन कञ्चनपुरमै उत्कृष्ट जिपिए
पुनर्वास-यस वर्षको एसईइ परीक्षाको नतिजामा कञ्चनपुर कञ्चनपुरको पुनर्वास नगरपालिका २ स्थित सरस्वती माध्यमिक विद्यालयमा अध्ययनरत छात्रा अपेक्षा लामिछानेले जिल्लामै उत्कृष्ट नतिजा (३.९६ जिपिए) ल्याउन सफल भएकी छन् ।
कञ्चनपुर जिल्लामा अपेक्षा लामिछाने सहित ११ जना विद्यार्थीहरूले उत्कृष्ट नतिजा ल्याएको सरस्वती माध्यमिक विद्यालयका प्रधानाध्यापक जितेन्द्र पौडेलले जानकारी दिए ।
उनको नतिजाले यतिबेला सरस्वती माध्यमिक विद्यालयको स्तर बढाउने प्रयास भएपनि अन्य विद्यार्थीको आश लाग्दो नतिजा नआउँदा खुलेर विद्यालयको प्रशंसा गर्न नसकिएको विद्यालयका शिक्षकहरुको भनाइ छ ।
आफ्नो उत्कृष्ट नतिजा आएपछि अपेक्षाले विद्यालयका शिक्षक- शिक्षिकाहरुलाई धन्यवाद व्यक्त गरेकी थिइन्।
सो विद्यालयमा १ सय २६ जना विद्यार्थीहरू एसईइ परीक्षामा सहभागी भएपनि ४१ जना मात्रै उत्तीर्ण भएका थिए। जसमध्ये अपेक्षा लामिछाने जिल्लामै उत्कृष्ट भइन् ।
