कञ्चनपुरमा आफैमाथि गाेली प्रहार गरेका प्रहरी जवान विष्टकाे मृत्यु
महेन्द्रनगर -कञ्चनपुरमा कार्यरत एक प्रहरी जवानले आफैलाई गोली प्रहार गरी घाईते रहेकाकाे उपचारकामा मृत्यु भएकाे छ । प्रहरी जवान वकिल विष्टले माघ ९ गते बुधबार राती डयुटीमा रहेको बेला आफैलाई गोली प्रहार गरेर घाईते रहेकाकाे शुक्रबार उपचारकै क्रममा मृत्युु भएकाे हाे ।
प्रहरी जवान विष्ट सुदूरपश्चिम प्रदेश विपद् व्यवस्थापन गुल्म महेन्द्रनगर कञ्चनपुरमा कार्यरत थिए ।गोली प्रहारबाट गम्भीर घाईते भएका बिष्टलाई उपचारका लागि महाकाली प्रादेशिक अस्पताल लगिएको थियो।
महाकाली अस्पतालमा उपचार सम्भव नभएपछि अस्पतालले धनगढीकाे निशर्ग अस्पतालमा रेफर गरिएको थियाे ।
जिल्ला प्रहरी कार्यालय कञ्चनपुरका प्रहरी प्रवक्ता प्रहरी नायव उपरिक्षक उमेश जाेशीका अनुसार आत्मघाती गोली प्रहार गर्ने प्रहरी जवान बिष्टको उपचारका क्रममा शुक्रबार दिउसाेनै मृत्युु भएकाे बताउनु भयाे । उहाँका अनुसार विष्टकाे टाउकोमा गाेलीकाे गम्भीर चोट लागेकाले उपचारकै क्रममा मृत्यु भएकाे बताए । घटनाबारेमा थप अनुसन्धान भईरहेकाे उनले बताए ।
यसअघि महिना पाैस १२ गते राति जिल्ला प्रहरी कार्यालय कञ्चनपुरमा कार्यरत प्रहरी जवान चक्र प्रसाद न्यौपानेले पनि ड्युटीमा रहेकै समयमा आफैँमाथि गोली प्रहार गरेका थिए । टाउकोमा गम्भीर चोट लागेका प्रहरी जवान न्यौपाने उपचारपछि अहिले ठिक अवस्थामा छन् ।
