पुनर्वासमा माध्यमिक तह स्तरीय अरेन्ट कप क्रिकेट प्रतियोगिता सुरु
पुनर्वास– कञ्चनपुरको पुनर्वासमा माध्यमिक तह स्तरीय अरेन्ट कप क्रिकेट प्रतियोगिता सुरु भएको छ ।
शनिबार एक कार्यक्रमका बीच उद्घाटन गर्दै अरेन्ट ईङ्लीश बोर्डिङ स्कुलको आयोजनामा सातौँ अरेन्ट कप क्रिकेट प्रतियोगिता सुरु भएको हो ।
स्कुलका प्रिन्सिपल राजेन्द्र प्रसाद अधिकारीको सभाध्यक्ष तथा पुनर्वास–८ का वडाध्यक्ष राना श्रवणको प्रमुख आतिथ्यतामा उद्घाटन भएको कार्यक्रममा विभिन्न व्यक्तित्वहरु अतिथीमा आसिन थिए ।
प्रमुख अतिथीको आसनबाट बोल्दै वडाध्यक्ष रानाले स्वास्थ्यका लागि खेलकुद अनिवार्य भएको बताए । उनले बिधार्थीहरुलाई शैक्षिक तर्फ मात्रै हैन, खेलकुदमा समेत बिधालयले ध्यान दिनुपर्ने बताउँदै वडा र नगरपालिकाबाट सक्ने सहयोगका लागि आफु सकारात्मक रहने प्रतिवद्धता जाहेर गरे ।
उद्घाटनमा भएको क्रिकेट प्रतियोगितामा वात्सल्य विधा निकेतन बेलौरी र सरस्वती माध्यमिक बिधालय बीच भएको थियो । जसमा एक सय रनका साथ वात्सल्य विद्या निकेतनले जित हासिल गरेको थियो ।
बागिश्वरी माध्यमिक बिधालयको खेलमैदानमा सञ्चालित प्रतियोगितामा विभिन्न नृत्य प्रस्तुत गरिएको थियो । भने कार्यक्रमको सञ्चालन शिक्षक गोविन्द अवस्थीले गरेका थिए ।
