बेलौरी नगरपालिका–३ मा माघी विशेष कार्यक्रम सम्पन्न
बेलौरी– कञ्चनपुरको बेलौरी नगरपालिका–३, खिरियामा थारु समुदायको विशेष पर्व माघी कार्यक्रम सम्पन्न भएको छ ।
शुक्रबार बरघर भलमन्सा तथा महटावाँ समिति र सज्झ्या फुलरिया कृषक समूह बेलौरी–३ को आयोजनामा माघी विशेष कार्यक्रम सम्पन्न भएको हो ।
समितिका अध्यक्ष नरबहादुर चौधरीको सभाध्यक्ष तथा बेलौरी नगरपालिकाका नगर उपप्रमुख जोगराम चौधरीको प्रमुख आतिथ्य रहेको कार्यक्रममा बेलौरी–३ का वडाध्यक्ष,भलमन्सा,समाजसेवी,बुद्धिजीविहरुको आतिथ्यता रहेको थियो । कर्यक्रममा उपप्रमुख चौधरीले माघीको शुभकामना व्यक्त गर्दै आफ्नो संस्कृतिको जर्गेना गर्न हामी आफै जुट्नु पर्ने बताउनुभयो । उहाँले यस्ता कार्यक्रम आयोजना गर्दा भाईचाराको सम्बन्धलाई थप प्रगाढ बनाउने र एकआपसमा मिलन समेत हुने जानकारी दिनुभयो ।
बेलौरी नगरपालिका–३ वडा कार्यालयको प्राङ्गणमा भएको माघी कार्यक्रममा स्थानीयहरुको निकै उत्साहका जनक सहभागी थियो ।
