पुनर्वासका एक जोडीले मानव सेवा आश्रममा भोजन गराएर मनाए १५ औँ वैवाहिक उत्सव
पुनर्वास-हिजो आज जन्मदिन तथा वैवाहिक वर्षगाँठ जस्ता विशेष दिनहरुमा अशक्तहरूलाई सहयोग र विभिन्न सामाजिक कार्य गरी मनाउने प्रचलन बढ्दै गएको छ।
आईतबार कञ्चनपुरको पुनर्वास नगरपालिका-५, भानुबस्ती निवासी देवी बिष्ट रोकाया र जय बहादुर रोकायाले आफ्नो १५ औँ वैवाहिक वर्षगाँठको अवसर पारेर मानव सेवा आश्रम धनगढीमा आश्रित व्यक्तिहरूलाई भोजन गराएको हो ।
उनीहरूले आश्रममा रहेका १ सय ५५ जना आश्रितलाई भोजन खुवाउँदै आफ्नो वैवाहिक उत्सवलाई समाजसेवामुखी बनाएका छन्।
जिन्दगीको विशेष दिनमा श्रीमान रोजगारीका सिलसिलामा नेपाल बाहिर रहे पनि सासुससुरा र बालबच्चा लिएर घर परिवार विहिन भएका व्यक्तिहरूको सहारा बनेको मानव सेवा आश्रममा सहयोग गर्न पाउँदा निकै खुसी लागेको देवी बिष्ट रोकायाले बताइन् ।
उनको व्यक्तिगत खुशीलाई सामाजिक सेवासँग जोड्दै गरिएको यस कार्यले मानवता र सहयोगको भावना झल्काएको छ।
