नेपालले टि ट्वान्टी महिला विश्व कपको ग्लोबल छनोट आयोजना गर्ने

काठमाण्डौ- नेपालले टि ट्वान्टी महिला विश्व कपको ग्लोबल छनोट आयोजना गर्ने भएको छ।

प्रतियोगिताको खेल तालिका भने केही समयमै घोषणा गरिने आइसिसीले बताएको छ। बंगलादेश र आयरल्याण्डले २०२४ मा आइसिसी महिला विश्वकपमा सहभागिता जनाएका कारण छनोटमा स्वतः स्थान बनाएका छन्।

विश्व कप २०२६ को जुन १२ देखि जुलाई ५ सम्म चल्नेछ। २४ दिनमा ३३ खेल ओल्ड ट्राफर्ड, हेडिंगले, ह्याम्पशायर बाउल र ब्रिस्टल काउन्टी ग्राउन्ड सहित ७ वटा मैदानमा हुनेछ।

नेपाली महिला क्रिकेट टिममा सुदूपश्चिमबाट कबिता कुँवर, रितु कनौजिया, रेवती धामी, बिन्दु रावल लगायतका उदयीमान खेलाडीहरुले प्रतिनिधित्व गर्दछन्।