रोजगारीमा वैदेशिक पठाउने भन्दै ठगी गर्ने दुई जना पक्राउ
काठमाडौंः वैदेशिक रोजगारीमा पठाउने भन्दै ठगी गर्ने दुई जना पक्राउ परेका छन्।
पक्राउ पर्नेमासुर्खेत सिम्ता गाउँपालिका–४ घर भई ललितपुर, ललितपुर महानगरपालिका–२९ बस्ने ३७ वर्षीय ईन्द्र बहादुर केसी र बारा करैयामाई गाउँपालिका–१ घर भई काठमाडौं महानगरपालिका–१६ ढुङ्गेधारा बस्ने ४६ वर्षीय बिशुनदयाल चौधरी रहेका छन्। यि दुबै जनालाइ प्रहरीले आइतवार पक्राउ गरेको हो।
पक्राउ परेकामध्ये ईन्द्र बहादुरले ग्रिस पठाइदिन्छु भन्दै ३ जना पीडितहरूबाट २४ लाखर बिशुनदयालले स्विडेन पठाइदिन्छु भन्दै १ जना पीडितबाट ४ लाख ४० हजार लिई सम्पर्कबिहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूलाई उपत्यकाको विभिन्न स्थानबाट पक्राउ गरेको जनाएको छ।
उनीहरूलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचाल काठमाडौं पठाइएको छ
