पुनर्वासको टाउन बजारमा बजाज मोटरसाईकलको स्वरुम उद्घाटन
पुनर्वास–कञ्चनपुरको पुनर्वास नगरपालिका–६ स्थित प्रतिभानगर, टाउन बजारमा बजाज मोटरसाईकलको स्वरुम उद्घाटन गरिएको छ ।
शुक्रबार राष्ट्रिय सभा सदस्य ईन्दु कडरिया र प्रदेश सभा सदस्य बिरबहादुर थापाले संयुक्त रुपमा रिबन काटेर बजाज स्वरुमको उद्घाटन गरेको हो ।
बजाज मोटर साईकल अन्य कम्पनीका मोटरसाईकल भन्दा मजबुत रहेको र आफुले पनि केहि वर्ष देखि यहि कम्पनीको मोटरसाईकल प्रयोग गर्दै आएको प्रदेश सदस्य बिरबहादुर थापाले बताए ।
त्यस्तै प्रमुख अतिथी राष्ट्रिय सभा सदस्य कडरियाले बजाजका मोटरसाईकलहरु बजारमा किनबेच बढि हुने गरेको बताईन ।
“सुरुवातमा सानो व्यवसायबाट सुरु गरेको देखेको थिए । निरन्तरको मिहिनेतले अहिले ठुलो व्यवसायको सुरुवात गरिएको छ । यो पक्कै सफल हुनेछ ।”उनले भनिन्
गोल्छा ग्रुप अन्तर्गत रहेको बजाज कम्पनीको मोटरसाईकलको पुनर्वासका लागि आधिकारिक बिक्रेताको जिम्मेवारी न्यू एसएमएस अटोमोटिभ्सले पाएको सञ्चालक राजन श्रेष्ठले जानकारी दिए ।
बजाज कम्पनीका जुनसुकै मोटरसाईकल खरिद गर्न चाहेमा २५ प्रतिशत डाउन पेमेन्टमा मोटरसाईकल उपलब्ध गराउन सकिने सञ्चालक श्रेष्ठले बताए ।
नगर प्रमुख, उपप्रमुख लगायतको बाक्लो उपस्थिती रहेको कार्यक्रमको सञ्चालन रेडक्रसका सचिब रुपेश खरेलले गरेका थिए ।
