कञ्चनपुरको पुनर्वासमा मृत भेटिएका पुरुषको खुल्यो पहिचान
।पुनर्वास-कञ्चनपुरको पुनर्वासमा सडक किनारामा लुगा खोलिएको अवस्थामा एकजना मृत भेटिएका छन्।
पुनर्वास-बेलौरी जोड्ने हुलाकी सडक खण्डसँगै जोडिएको ग्रिन बेल्ट किनारामा पुनर्वास १ का शिविरटोल बस्दै आएका अन्दाजी ५० वर्षीय सुर्जे दमाई शनिबार साँझ मृत अवस्थामा फेला परेका हुन् ।
सडक किनारामा एक्कासि स्थानीयले देखेपछि प्रहरीलाई खबर गरिएको थियो ।
घटनास्थल हेर्दा मदिरा अत्याधिक सेवन गरेको हुन सक्ने अनुमान गरिएपनि बाँकी घटनाको कारण भने प्रहरी अनुसन्धानबाट खुल्ने पुनर्वास-३ का समाजसेवी मोलाम तामाङले जानकारी दिए।
घटनाका विषयमा इलाका प्रहरी कार्यालय त्रिभुवनबस्तीका प्रहरी निरीक्षक महेशविक्रम शाहीले भने, ‘‘मृतकले मदिरा सेवन गरेको बताए । उनले भने, “घटनाको थप अनुसन्धान भइरहेको र यतिबेला शवलाई पोस्टमार्टमका लागि प्रादेशिक अस्पताल पठाएका छौं।
” त्यस्तै , पुनर्वासको डोके बजारबाट बिहिबार बेपत्ता एकजना पनि धनगढीमा मृत फेला परेका थिए
