बैतडीमा पहिरोले अवरुद्ध जयपृथ्वी राजमार्ग सञ्चालनमा

खोज सम्वाददाता २०८२ श्रावण २१, बुधबार ०३:४४

Above Article Content Ad

बैतडी– लगातारको वर्षापछि पहिरोले अवरुद्ध भएको जयपृथ्वी राजमार्ग सञ्चालनमा आएको छ।

बैतडीको सिगास गाउँपालिका–९, रमलियापुर नजिक गएको पहिरोका कारण गएराति १ बजेदेखि पूर्णरूपमा बन्द भएको राजमार्ग आज बिहान करिब १०ः३० बजेबाट पुनः सुचारु गरिएको जिल्ला प्रहरी कार्यालय बैतडीका प्रहरी निरीक्षक बलाराम पाण्डेयले बताए। राजमार्ग अवरुद्ध हुँदा रातभर यात्रुहरू अलपत्र परेका थिए। विशेष गरी बैतडी सदरमुकाम गोठलापानीदेखि दार्चुला तथा डडेल्धुरा जाने यात्रुहरूलाई ठुलो समस्या भएको थियो।

वर्षाका कारण सडक माथिबाट आएको माटो, ढुङ्गा र रूखका ठुटाहरूले राजमार्ग अवरुद्ध बनाएको थियो। सडक डिभिजन कार्यालय, डडेल्धुराको सहकार्यमा डोजर तथा अन्य आवश्यक उपकरण प्रयोग गरी पहिरो पन्छाइएपछि यातायात पुनः सञ्चालनमा आएको हो। सडक डिभिजन पाटनका अनुसार तत्काल आवश्यक सुधार गरी सडक खुलाइएको भए पनि अझै सतर्कता आवश्यक रहेको छ।

फेसबुक प्रतिक्रियाहरु