
यस्तो छ खतिवडा ट्रेडर्समा विश्वकर्मा पुजा
पुनर्वास – आज असोज १ गते अर्थात् विश्वकर्मा पूजा कंचनपुरको पुनर्वास-३ स्थित खतिवडा ट्रेडर्समा पनि सवारी साधनहरुको पुजा गर्दै मनाईएको छ ।
देशभरका हिन्दु धर्मावलम्बीहरूले विभिन्न फलामे औजार र कलकारखानाहरुको पूजाआजा गरेर विश्वकर्मा पूजा मनाउँदै आएका छन् ।
आज कलकारखानामा रङ्गीचङ्गी पार्नुका साथै विशेष पूजा पनि गरिन्छ । सवारी साधन हुनेहरूले बिहानै सवारी साधनलाई धोएर पूजाआजा गरेका छन् । बिहानै गुड्ने सार्वजनिक सवारीका साधनलाई पनि बिहानै धोएर सफा पारी रिबन तथा विभिन्न ध्वजापताका लगाएर रङ्गिन बनाइएको छ ।
त्यस्तै,गाडी मर्मत सम्भार गर्ने ग्यारेजलगायत हरेक सानाठूला फ्याक्ट्रीमा आज सामानको दिगोपन र मुनाफाको कामना गर्दै पूजा गर्ने गरिन्छ । पूजा गरिसकेपछि दिनभर ती सामानको प्रयोग नगर्ने चलन पनि छ । यस अवसरमा केहीले विश्वकर्माको मूर्ति बनाई पूजा गर्ने र प्रसाद चढाउने पनि गर्दछन् ।