बिओपी बिचफाँटाले गर्‍यो १० हजार मूल्य बराबरको अखाद्य पेय पदार्थ डिउ बरामद गरी नष्ट

कञ्चनपुरमा भारतबाट अवैध रुपमा ल्याई बेवारीसे अवस्थामा छाडीएको पेय पदार्थ डिउ नष्ट गरीएको छ । पुनर्वास–९, बिचफाँटा क्षेत्रबाट सशस्त्र प्रहरीले भारतबाट अबैध रुपमा नेपालको क्षेत्र ल्याई छाडेको १० हजार मूल्य बराबरको अखाद्य पेय पदार्थ डिउ बरामद गरेर नष्ट गरेको हो ।

सोमबार बोर्डर आउट पोष्ट बिचफाँटाका सशस्त्र प्रहरी नायब निरिक्षक हरजित सिंह महतको कमाण्डमा खटिएको ५ जनाको पैदल सिमा गस्ती टोलीले १० हजार मुल्य बराबरको डिउ, बरामद गरी नष्ट गरेको सशस्त्र प्रहरी बल बोर्डर आउट पोष्ट बिचफाँटाले जनाएको छ । बरामद पेय पदार्थ डीउ जनप्रतिनिधि र स्थानीयको रोहबरमा नष्ट गरिएको बोर्डर आउट पोष्ट बिचफाँटाले जनाएको छ ।