११४ औं अन्तराष्ट्रिय नारी दिवसमा कार्यालयमा कार्यरत महिला कर्मचारीलाई सम्मान
पुनर्वास–कञ्चनपुरको पुनर्वासबाट दैनिक रुपमा प्रकाशित हुने विश्व खोज दैनिक पत्रिकाले आफ्ना कर्मचारीहरुलाई सम्मान गरेको छ ।
शुक्रबार ११४ औं अन्तराष्ट्रिय नारी दिवसको अवसरमा कार्यालयमा कार्यरत पाँच जना महिला कर्मचारीहरुलाई झोला उपहार दिँदै दोसल्ला ओढाएर सम्मान गरेको हो ।
सम्मानित हुने कर्मचारीमा देवि रोकाया, सपना एसके, सनम वड, पुष्पा जोशी र रेखा साउँद थिए ।
“महिलामा लगानी, सभ्य र समुन्नत समाजको थालनी”भन्ने नारा सहित देशभर मनाईरहँदा कञ्चनपुरको दक्षिणी क्षेत्रमा रहेको विश्व खोज दैनिक पत्रिकाले पनि महिला कर्मचारीहरुलाई मिठो परिकार खुवाई,उपहार सहित सम्मान गरेको हो ।
हाम्रो कार्यालयले नारी माथी देखाएको सम्मानलाई अन्य कार्यालयले पनि सिको गर्न आवश्यक रहेको कर्मचारीहरुले बताएका थिए ।
वर्षभरीको कमाई भन्दा ठुलो आजको सम्मान हो । नारी दिवस मनाउने मात्रै नभई सरकारले नारी माथी भईरहने विभेद र घटिरहने विभिन्न घटनाहरुमा सरकार गम्भिर हुनुपर्ने कुरामा विशेष जोड दिए ।
कार्यालयले यसभन्दा अघिल्लो वर्षमा पनि यसरी नै महिला कर्मचारीहरुलाई सम्मान गरेको थियो ।
