राष्ट्रिय सभा सदस्य कडरीयाद्वारा जेहन्दार र न्यून अवस्थाका ५३ बिधार्थीहरुलाई स्विटर वितरण
पुनर्वास– राष्ट्रिय सभा सदस्य माननीय ईन्दु कडरीयाले जेहन्दार र न्यून अवस्थाका विधार्थीहरुलाई स्विटर वितरण गर्नुभएको छ ।
बुधबार पुनर्वास नगरपालिका–६ मा अवस्थित संस्थागत विधालय युगज्योति एकेडेमीका ५३ जना जेहन्दार र न्यून अवस्थाका विधार्थीहरुलाई स्विटर वितरण गर्नुभएको हो ।
बिधालयका संस्थापक विश्वनाथ बिष्टको सभापतित्व तथा पुनर्वास नगरपालिका–६ का वडाध्यक्ष मित्र सिँह लामाको प्रमुख आतिथ्तामा सम्पन्न भएको उक्त कार्यक्रममा विभिन्न व्यक्तिहरु अतिथीमा हुनुहुन्थ्यो ।
प्रमुख अतिथीको आसनबाट बोल्नुहुँदै वडाध्यक्ष मित्र सिँह लामाले चिसोको मौषम बढिरहेको अवस्थामा बिधार्थीहरुको समस्या समाधानमा देखाउनुभएको माननीयको कार्यको प्रशंसासँगै धन्यवाद व्यक्त गर्नुभएको थियो ।
उहाँले विधार्थीहरुले अनुशासनमा रहनुपर्ने कुराको स्मरण गराउँदै बढ्दो लागुऔषध दुव्र्यसनी प्रति बिधार्थीहरुलाई सचेत गराउन प्रत्येक शिक्षकले ५ मिनेटको समय जनचेतनामूलक शिक्षा तर्फ जोड दिन आवश्यक रहेको बताउनुभयो ।
त्यस्तै, बिधालयका संस्थापक बिष्टले माननीय ज्युको सहयोग प्रति धन्यवाद व्यक्त गनर््ुहुँदै आगामी दिनमा पनि यस्ता कार्यलाई निरन्तरता दिनुहुनेछ भन्ने विश्वास राखेको बताउनुभयो ।
उहाँले अध्यक्ष ज्यूले दिएको सुझाव सल्लाहको आफु र शिक्षकले फ्लोअपमा जाने जानकारी दिनुभयो ।
