पुनर्वासमा भेट्रान कप फुटबल , आयोजकलाई हराउँदै बोराडाँडी क्लब विजयी
पुनर्वास – कंचनपुरको पुनर्वास नगरपालिका –१, अंशुवर्माबस्तीमा आयोजना गरिएको भेट्रान कप फुटबल प्रतियोगिता उद्घाटन भएको छ ।
शनिबार शान्ति युवा क्लब अंशुवर्माबस्तीले आयोजना गरेको प्रथम भेट्रान कप फुटबल प्रतियोगिताको पुनर्वास नगरपालिकाका नगर प्रमुख तोयप्रसाद शर्माले एक औपचारिक कार्यक्रमका बिच उद्वघाटन गर्नुभएको हो ।
उद्वघाटन खेल आयोजक र धनगढीको बोराडाँडी युवा क्लब बिच भएकोमा शून्यका विरुद्ध ६ गोल प्रहार गर्दै बोराडाँडी युवा क्लब विजयी भएको छ ।
खेलको हापमा एक गोल प्रहार गरेको धनगढीको बोराडाँडी युवा क्लबले आयोजक शान्ति युवा क्लबलाई हापपछिको दोस्रो खेलमा लगातार ६ गोल पु¥याएको थियो ।
प्रतियोगितामा कञ्चनपुर–कैलालीका १५ टिमको सहभागिता रहेको आयोजकले जनाएको छ ।
“३५ पारी, खेलप्रति मेरो अझैपनि लगाव र जिम्मेवारी” भन्ने मूलनारा सहित आयोजना गरिएको फुटबल प्रतियोगिताको बिशिष्ट अतिथीमा पुनर्वास नगरपालिकाका निर्वतमान नगर प्रमुख जिवनराज थापा रहनुभएको थियो भने कार्यक्रमलाई सञ्चालन क्लबका अध्यक्ष सन्नी तामाङले गर्नुभएको थियो ।
