पुनर्वासमा सुनौलो बिहानी समुहद्वारा विविध कार्यक्रम गर्दै मनाईयो राष्ट्रिय बाल दिवस
पुनर्वास- कंचनपुरको पुनर्वास नगरपालिका-८ स्थित अलंकार पब्लिक स्कुलको प्राङ्गणमा सुनौलो बिहानी समुहद्वारा विविध कार्यक्रम गर्दै बाल दिवस मनाईएको छ ।
मंगलबार साविक परासन गाविस अन्तर्गतका निजि विद्यालयका विद्यार्थीहरुले बाल अधिकार सम्बन्धि विभिन्न नारा सहितका प्लेकार्ड हातहातमा बोक्दै चर्को नारा गर्दै प्रगति बजारमा मार्चपाससंगै प्रभात फेरी गरिएको हो ।
कार्यक्रममा सहभागी बिद्यालयका विद्यार्थीहरु बीच हाजिरी जवाफ, गणितीय दौड, बेलुन फुटाई, चित्रकला र ५ खुट्टे दौड आयोजना गरिएको थियो ।
समुहका अध्यक्ष चन्द्र सिंह बोगटीको अध्यक्षता तथा पुनर्वास नगरपालिका-८ का वडा अध्यक्ष राना श्रवणको प्रमुख आतिथ्य रहेको कार्यक्रमको बिशिष्ट अतिथीमा सुप प्याब्सन सदस्य राजेन्द्र अधिकारी रहेका थिए । त्यस्तै अतिथीमा विभिन्न बिधालयका शिक्षकहरु आसिन थिए
अलंकार पब्लिक स्कुलका सहायक प्रीन्सिपल शिक्षक बलबहादुर बिकको स्वागत मन्तव्यसंगै सुरु भएको कार्यक्रमलाई सञ्चालन प्रीन्सिपल पुष्पराज ओझाले गरेका थिए ।
