पानी निकासको पर्खाईमा आई.बी.आर.डी. बजारबासी
पुनर्वास- कंचनपुरको पुनर्वास नगरपालिका-३ स्थित आई.बी.आर.डी. बजार सामान्य वर्षा हुँदा पनि जलमग्न हुने गरेको छ ।
बजारको मेन सडकका दायाँबायाँका घरहरुको उचाईका कारण सडक गहिरो हुँदा क्षणभरको वर्षामा पनि बजारका अधिकांश ठाउँमा जलमग्न देखिन्छ ।
Upgrade with 0% interest
त्यस्तै आज (सोमबार) पनि साझ ५ बजेतिर १० मिनेट मात्रै पानी पर्यो । पुनर्वास नगरपालिकाको आई.बी.आर.डी. बजारका धेरै ठाउँहरुमा पानीको निकास नहुदा बजार जलमग्न देखियो ।
केहि दिन अघि मात्रै पुनर्वास नगरपालिकाले बजारको मेन सडकमा भएका खाल्डा खुल्डी पुर्ने काम गरेको थियो । तर पानीको निकास नहुदा केहि स्थानमा अझै जलमग्न देखिएको छ ।
पसल अगाडी जलमग्न हुन थालेपछि नगरपालिकाले केहि समयका लागि भएपनि पानी निकासको उपाय गरिदिन वरपरका व्यापारीहरुको माग छ ।
ईलेक्ट्रोनिक्स पसल सञ्चालक ऋषिराम अधिकारीले सामान्य पानीले पनि ५/६ दिन सम्म जलमग्न रहिरहदा पसलमा सामान किन्न आउने ग्राहकलाई समेत समस्या भईरहेको र ग्राहक अन्त पसलमा जाने गरेको गुनासो गरे ।
उनले श्रद्धेय नगर प्रमुखलाई पानीको निकासको उपाय गरिदिन अनुरोध गरेका छन् ।
सामान्य वर्षाले पनि जलमग्न हुन थालेपछि पानी निकासको पर्खाईमा आई.बी.आर.डी. बजारबासी छन् ।
तर उक्त सडकमा ढल सहितको कालोपत्रेका लागि संघिय सरकारबाट बहुबर्षे योजनामा ठेक्का स्विकृत भएको छ।
