पुनर्वासमा पनि मनाईयो १९ औ राष्ट्रिय धान दिवस कार्यक्रम
कञ्चनपुर १५ असार
“धानबालीमा जैविक विविधताको उपयोग, आयात प्रतिस्पर्धामा सहयोग” भन्ने राष्ट्रिय मुल नारा सहित १९ औ राष्ट्रिय धान दिवस पुनर्वासमा भब्य रूपमा मनाईएको छ ।
पुनर्वास नगरपालिका कृषि शाखाले आयोजना गरेको धान दिवस कार्यक्रम पुनर्वास नगरपालिका- ७ का एक किसानको खेतमा धान रोपेर मनाईएको हो ।
सो अवसरमा प्रमुख आतिथ्यबाट बोल्दै नगर प्रमुख तोयप्रसाद शर्माले बिधुतिय सिचाइमा आफु विशेष जोड दिईरहेको अबको केहि समय पश्चात पुनर्वासका किसानले सिचाईको समस्या झेल्नु नपर्ने बताए ।
बिधुत प्राधिकरण सुदूरपश्चिम क्षेत्रीय निर्देशकसंग बिधुतिय सिचाइका लागि कुरा बढाईसकेको र क्षेत्रीय निर्देशकबाट सकारात्मक प्रतिबद्धता समेत प्राप्त भएको नगर प्रमुख शर्माको भनाई छ ।
” कृषि प्रधान देश नेपालमा किसानलाई कुनै प्रकारको अभाव हुनु राम्रो होइन ।” उनले भने, किसानलाई समयमै बीउ मलको व्यवस्थापन मिलाउन समेत स्थानीय सरकार लागि परेको छ ।”
नगर प्रमुख शर्माले पुनर्वास नगरपालिकालाई समृद्ध र नमुना नगरपालिका बनाउन एकैबाट सम्भव नहुने यसमा सबैले हातेमालो गरि अघि बढ्नुपर्ने आवश्यक रहेको बताए ।
त्यस्तै कार्यक्रममा नगर उपप्रमुख भुलिया कुमारी रानाले मंगलबार चट्याङमा परि दिवंगत भएका दुई किसान देबेन्द्र श्रेष्ठ र शारदादेवी थापा प्रति स्मरण गर्दै समवेदना प्रकट गरिन ।
हालै सम्पन्न एघारौं नगर सभाको नगर अधिवेशन बाट किसानलाई बिनियोजन गरिएको बजेट न्युनतम भएको र किसानलाई प्रयाप्त बजेट दिने चाहना हुंदाहुदै पनि देशमा भएको आर्थिक संकटका कारण पूरा गर्न नसकिएको उनले बताईन ।
सो अवसरमा किसानको प्रतिनिधित्व गर्दै पुनर्वास- ८ का सफल किसान दशरथ शर्माले भने स्थानीय सरकारले वास्तविक किसानलाई सेवा सुबिधाबाट बञ्चित गर्दै आएको गुनासो गरे ।
वास्तविक किसानको पहिचान गरी पावर र पहुँचको आधारमा दोहोरो सुबिधा दिने व्यवस्था अबका दिनमा बन्द गरिनुपर्ने उनले बताए ।
पुनर्वास नगरपालिका- ७ का अध्यक्ष मुलचन्द रानाको सभापतित्वमा भएको धान दिवस कार्यक्रममा नगर प्रमुख तोया प्रशाद शर्मा प्रमुख अतिथिमा रहेका थिए । भने बिशिस्ट अतिथिमा नगर उप प्रमुख भुलिया कुमारी राना रहेकी थिईन ।
सो अवसरमा पुनर्वास वडा नम्बर १ देखि वडा नम्बर ११ सम्मका ११ जना उत्कृष्ट कृषकलाई जनहि ३ हजार ७५० रूपैया र प्रमाणपत्र सहित पुरस्कृत गरिएको थियोे ।
कृषि शाखा प्रमुख कर्णबहादुर शाहीको स्वागत मन्तव्यबाट सुरु गरिएको कार्यक्रमको सञ्चालन कृषि शाखा कर्मचारी खडक बहादुर बिश्वकर्माले गरेका थिए ।
