सुदूरपश्चिम सरकारका असन्तुष्ट सांसद दिवान बिष्टले नसकेपछी केन्द्रले टुंगायो नयाँ मन्त्रीको नाम
धनगढी -सुदूरपश्चिम प्रदेशमा नेपाली कांग्रेसको असन्तुुष्ट पक्षले सरकारमा पठाउने मन्त्रीको नाम टुंगो लगाएको छ । असन्तुष्ट पक्षले मानबहादुर रावल, बेलबहादुर राना र जुना दानीलाई मन्त्री बनाउने निर्णय गरेको हो ।
असन्तुुष्ट पक्षमा मन्त्रीको नाम टुुंगो लगाउने जिम्मा सासंद दिवान सिंह विष्टलाई दिइएको थियो । तर प्रदेशमा सहमति नजुटेपछि केन्द्रमा पठाइएको थियो । केन्द्रले मन्त्रीका लागि तीन जनाको नाम सिफारिस गरेको हो ।
उनीहरूमध्ये रावल र राना मन्त्री बन्नेछन् । दानीलाई राज्यमन्त्री बनाउने सहमति भएको छ । असन्तुुष्ट पक्षले नाम दिएपछि मुख्यमन्त्री कमलबहादुर शाहले सरकार विस्तारको तयारी गरेका छन् ।
यता अन्तिम समयमा एमालेले भने पुरानै मन्त्रीलाई निरन्तरता दिने भएको छ । हिजो केन्द्रले नयाँ मन्त्रीको नाम मुख्यमन्त्रीलाई दिए पनि अहिले अन्तिम समयमा आएर तत्काललाई पुरानै मन्त्रीलाई निरन्तरता दिइएको स्रोतले बताएको छ ।
