सगरमाथा कृषि हिमचुली सहकारी संस्थाको १५ औं वार्षिक साधारण सभा सम्पन्न
पुनर्वास -कञ्चनपुरको पुनर्वास नगरपालिका–६ मा रहेको सगरमाथा कृषि हिमचुली सहकारी संस्थाको १५ औं वार्षिक साधारण सभा सम्पन्न भएको छ ।
शनिबार एक भव्य समारोहका बीच पुनर्वासको उद्योग वाणिज्य संघको सभाहलमा सगरमाता हिमचुली सहकारी संस्थाको १५ औं वार्षिक साधारणसभा सम्पन्न भएको हो ।
साधारणसभामा संस्थाका अध्यक्ष नवीन तिमिल्सेनाको सभाध्यक्ष पुनर्वास नगरपालिका वडा नम्बर ६ का अध्यक्ष मित्र सिंह लामा प्रमुख अतिथिमा पुनर्वास नगरपालिकाका सूचना अधिकृत धौलाराम सार्की विशिष्ट अतिथिमा जनता क्याम्पस पुनर्वासका क्याम्पस प्रमुख नरेन्द्र बहादुर जेठारा विशिष्ट अतिथिमा हुनुहुन्थ्यो।
त्यस्तैगरी, पूर्व अध्यक्ष सोमराज बराल, युवराज सुयाल, प्रभु बैंकका कार्यालय प्रमुख गौरव शर्मा, सुनौला कृषि सहकारी संस्थाका अध्यक्ष दुर्गा नेपाल, कृष्ण चापागाई रहनुभएको थियो।
सहकारीले गत आर्थिक वर्षमा कुल पूँजी १ करोड ८१ लाख २०हजार ६सय १४ रुपैयाँ कुल लगानी १ करोड देखाएकोमा ६९लाख ४६हजार ४ सय ७०रुपैयाँ आम्दानी
१३लाख ८१हजार ८सय ३६ रुपैयाँ भएको प्रतिवेदनमा उल्लेख छ ।
वार्षिक साधारण सभा कार्यक्रममा ८जनालाई सम्मान गरिएको थियोे । बालबचत तर्फबाट अग्रिम राना मगर , असल ऋण तर्फबाट खगेन्द्र प्रसाद ओझा र अनिता गुरुङ, असल नियमित बचत दैनिक कृति अधिकारीतर्फबाट , मुद्धती बचत धर्मराज गिरी हिरेश्वर शिव पन्दिर एकल महिला धन कुमारी तामाङ /पुर्णा देवी लामा माया खड्का ज्येष्ठ नागरिक यङग लामा तामाङ एस.इ.इ. उत्कृष्ट नतिजा हिमांन्सु पन्त पूर्व अध्यक्ष सोमराज बराल तर्फबाट सम्मान पत्र सहित दोसल्ला ओढाई सम्मान गरिएको थियो ।
कार्यक्रममा शेयरसदस्यहरुको बाक्लो सहभागीता थियो भने कार्यक्रमको संचालन सचिव नरेन्द्र गौतमले गर्नुभएको थियो । 
