को थिए त पुनर्वास नगरपालिकामा आगो लगाउने, तोडफोड र चोरी गर्ने ?
पुनर्वास- “जेनजी” का नाममा अराजकता मच्चाउने केही युवाहरूको समूहले कञ्चनपुरको पुनर्वास नगरपालिकाको कार्यालयमा वितण्डा मच्चाएका छन्।
नगरपालिकाको कार्यालय र सवारी साधनमा आगलागी, तोडफोड र चोरी गर्नेसम्मका हर्कतले यतिबेला पुनर्वासको सर्वत्र चर्चा चलेको छ।
केही व्यक्तिहरूले “जेनजी” को नाममा अराजकता भएको भन्दै आएका छन् । तर “जेनजी” को हुन् को होइनन् भन्ने विषय पनि कसैलाई थाहा छैन । न त उनीहरूको कुनै आधिकारिक परिचय खुल्ने आधार नै थियो।
“जेनजी” को नाममा नगरपालिकाको कार्यालयको भवन र सवारी साधनमा आगजनी र तोडफोड गर्नेहरूलाई भिडियो प्रमाणहरूले प्रष्ट देखाएको छ । त्यसैका आधारमा यस्ता गतिविधिमा ढिलो-चाँडो भएपनि संलग्नहरुलाई कारबाही अवश्य हुन्छ। नगरपालिकाका एकजना कर्मचारीले बताएका छन्।
घटनाका फोटो ,भिडियोहरु भने विभिन्न व्यक्तिहरूबाट प्राप्त भइरहेको छन् । ती फुटेजहरूमा गलत गतिविधिमा संलग्नहरूलाई स्पष्ट देख्न सकिन्छ ।
