पुनर्वासमा ब्राउन सुगर सहित पक्राउ परेका बिसी डेढ महिनापछि छुटे, महरा कारागार चलान
पुनर्वास- असार ६ गते शुक्रबार साँझ कञ्चनपुरको पुनर्वास नगरपालिका ६ स्थित पुनर्वास सम्राट रेस्टुरेन्टको होटलमा बसेर ब्राउन सुगरको कारोबार गरिरहेको आरोपमा पक्राउ परेका पुनर्वास-६ का दीपक बिसीलाई थुनामुक्त गरेको छ ।
ब्राउन सुगर सहित पक्राउ परेका दार्चुलाको महाकाली नगरपालिका-३ का ४२ वर्षीय नरसिंह महरालाई थप अनुसन्धानका लागि कारागार चलान गरेपनि आरोपित बिसीलाई भने जिल्ला अदालत कञ्चनपुरले साधारण तारेखमा थुनामुक्त गरेको हो।
बुधबार भएको न्यायाधीश राजेन्द्र भण्डारीको इजलासले बिसीलाई सामान्य हाजिरीको शर्तमा रिहा गर्ने आदेश दिएको हो। लागुऔषध नियन्त्रण ब्यूरो टोली र ईलाका प्रहरी कार्यालय त्रिभुवनबस्तीको प्रहरी टोलीको गहिरो निगरानीपछि उनीहरूलाई पक्राउ गर्न सफल भएको थियो ।
उनीहरूको साथबाट फेला परेको परिणाम हेर्दा सुदुरपश्चिममै अहिले सम्मको बढि २ सय ७३ ग्राम ब्राउन सुगर रहेको प्रहरी तथ्याङ्कले देखाएको थियो।
