अछामको जयगढका आगलागी पीडितलाइ २५ हजारदेखि पाँच लाखसम्म राहत

धनगढी : अछामको जयगढ बजारका आगलागी पीडितहरूले २५ हजारदेखि पाँच लाख रुपैयाँसम्म राहत पाउने भएका छन्।

जयगढ बजारका आगलागी पीडितहरूका लागि सुदूरपश्चिम प्रदेश सरकारले ५० लाख रुपैयाँ गाउँपालिकाको खातामा पठाएको छ। बान्नीगढी–जयगढ गाउँपालिकाले ६ लाख रुपैयाँ विनियोजन गरेको छ। हाल गाउँपालिकाको खातामा ६५ लाख रुपैयाँ जम्मा भएको छ। तर, राहतका लागि घोषणा गरेका सबैले गाउँपालिकाको खातामा रकम जम्मा नगरेका सूचना अधिकारी अर्जुन प्रसाद जोशीले बताएका छन्। आगलागीबाट क्षति धेरै भएपनि राहत स्वरूप आर्थिक सहयोग गर्न कार्यविधि तयार पारेको जोशीले बताएका छन्।

Article inline ad #1