गर्मी मौसममा उखुको जुस पिउनुका फाइदाहरू
काठमाडौं- गर्मीको मौसममा आफूलाई ताजा र हाइड्रेटेड राख्नु धेरै आवश्यक छ । यस्तो अवस्थामा उखुको रस पनि एक उत्तम विकल्प हो । यसले तिर्खा मात्र मेटाउनका साथै स्वास्थ्यलाई पनि धेरै फाइदा गर्छ । यसले शीतलता प्रदान गर्नुका साथै शरीरलाई ऊर्जा दिन्छ र हिट स्ट्रोकबाट बचाउन मद्दत गर्छ ।
उखुको रसमा धेरै आवश्यक पोषक तत्त्वहरू हुन्छ, जसले पाचनलाई सुधार्छ । प्रतिरक्षा प्रणालीलाई बलियो बनाउँछ । विशेष कुरा के छ भने यो प्राकृतिक डिटक्सको रूपमा काम गर्छ र शरीरबाट विषाक्त पदार्थहरू बाहिर निकाल्न मद्दत गर्छ । आज हामी तपाईंलाई गर्मीमा उखुको रस पिउने फाइदाहरूको बारेमा बताउनेछौँ –
कलेजो स्वस्थ
कलेजो सम्बन्धी कुनै समस्याहरू छन् उखुको रस पिउन सक्नुहुन्छ । तपाईं गर्मीको दिनहरूमा दैनिक खाली पेटमा बिहानको समयमा उखुको रस पिउनुहोस् । यसले तपाईंको कलेजो पनि स्वस्थ रहनेछ ।
तौल घटाउन
यदि तपाईं गर्मीको दिनहरूमा बिहानै खाली पेटमा उखुको रस पिउनुहुन्छ भने यसले तपाईंको तौल नियन्त्रण गर्नेछ । उखुमा राम्रो मात्रामा फाइबर पाइन्छ जसले तौल घटाउन मद्दत गर्छ ।
यूटिआईबाट बच्न
उखुको रस पुरुष र महिला दुवैको लागि फाइदाजनक हुन सक्छ । पुरुष र महिलाहरूमा मूत्र नलीमा सङ्क्रमण रोक्न र ठीक गर्नको लागि उखुको रस पिउन सल्लाह दिइन्छ । यो तपाईंको लागि लाभदायक हुनेछ ।
छालाको लागि राम्रो
यदि तपाईं नियमित रूपमा उखुको रस पिउनुहुन्छ भने यसले तपाईंको छालालाई चम्किलो बनाउँछ । उखुको रस अल्फा हाइड्रोक्सी एसिडको राम्रो स्रोत हो, जसले छालामा निखार ल्याउँछ ।
