के गर्ने बच्चालाई कामज्वरो आए के नगर्ने ?

यस्तो हुँदा के गर्ने ? 

• बच्चालाई दायाँ  वा बायाँ  कोल्टे फर्काएर राख्ने ।
• जतिसक्दो चाँडो नजिकैको अस्पताल लैजाने ।
• ज्वरो धेरै नै छ भने पानीपट्टी लगाउने ।

 के नगर्ने ?

आत्तिनु हुँदैन, आत्तिएको खण्डमा बच्चा लड्ने तथा खाटबाट खसेर चोटपटक लाग्ने सम्भावना हुन्छ ।
बच्चालाई उत्तानो पारेर राख्दा थुक वा अरू केही सर्किने सम्भावना हुन्छ, जुन अत्यन्तै खतरनाक हुन्छ ।
बच्चाको मुखमा केही नघुसार्ने । औँला घुसार्दा औँला टोकिने सम्भावना हुन्छ अनि अरू केही चिज राख्दा दाँत भाँचिने सम्भावना हुन्छ ।

 भविष्यमा हुन नदिन के गर्ने ?

यो रोगको रोकथाम विधि भनेको ज्वरो आउनै नदिनु हो, जुन सम्भव छैन ।
त्यही भएर ज्वरो आएर यस्तो लक्षण देखिएमा बढी सजगता अपनाउनु नै यसको रोकथाम हो ।
घरमा अनिवार्य ज्वरो नाप्ने यन्त्र र सिटामोल राख्ने ।
ज्वरो आएमा तत्काल पारासिटामोल दिइहाल्ने ।
बच्चालाई गुम्स्याएर नराख्ने ।
ज्वरो धेरै नै छ भने पानीपट्टी लगाउने ।