पुनर्वासको पपुलर स्कुलको अन्तरसदनात्मक खेल सप्ताह सम्पन्न, विजयी खेलाडीहरू सम्मानित
पुनर्बास –कंचनपुरको दक्षिणी भेग पुनर्वास नगरपालिका–११ मा अवस्थित पपुलर स्कुलले आयोजना गरेको अन्तरसदनात्मक खेल सप्ताह २०८१ भव्य रूपमा सम्पन्न भएको छ ।
माघ १० गते देखि संचालन भएको खेल माघ १८ गते सम्म्पन भै उक्त खेलको प्रमाणपत्र आज (बुधबार) गते बितरण गरिएको हो ।
विभिन्न खेलकुद गतिविधिहरूमा विद्यार्थीहरूको उत्साहजनक सहभागिता देखिएको यस प्रतियोगिताको समापन समारोहमा विजयी खेलाडीहरूलाई प्रमाणपत्र वितरण गरिएको थियो ।
प्रतियोगिता अन्तर्गत फुटबल, ब्याट्मिन्टन ,पेनाल्टी सुट आउट , लङ जम्प , हाइ जम्प , भलिबल, दौड, कबड्डी, लगायतका खेलहरू समावेश गरिएका थिए । विभिन्न सदनका खेलाडीहरूले उत्कृष्ट प्रदर्शन गरेका थिए भने कुल अंकको आधारमा पपुलरले प्रथम स्थान हासिल गरेको थियो ।
विद्यालयका प्रधानाध्यापक दिर्घराज ओझाले प्रमाणपत्र वितरण गर्दै विद्यार्थीहरूलाई खेलकुदमा सक्रिय रहन प्रेरित गर्नुभयो । उहाँले खेलकुदले अनुशासन, सहकार्य, तथा आत्मविश्वास बढाउने भएकाले विद्यार्थी जीवनमा यसको ठूलो महत्त्व रहेको बताउनुभयो ।
“हार्नु ठूलो कुरा होइन, तर हारबाट सिक्नु महत्त्वपूर्ण हो ।“ असफलता पनि सिकाइको एक भाग हो बिद्यालयका लेखापाल तथा शिक्षक प्रतिनिधि बिपना जोशीले बताउनुभयो ।
समारोहमा शिक्षक, तथा विद्यार्थीहरूको उल्लेखनीय उपस्थिति रहेको थियो । खेल सप्ताह संयोजक राज पेलाले सफल कार्यक्रमको व्यवस्थापनका लागि सम्पूर्ण टिमलाई धन्यवाद व्यक्त गर्नुभयो ।
