पुनर्वास-६, वडा कार्यालयद्वारा कक्षा १० का विद्यार्थीहरुलाई शैक्षिक सामाग्री वितरण
पुनर्वास – एसईईको नतिजालाई फोकस गर्दै कंचनपुरको पुनर्वास नगरपालिका-६ वडा कार्यालयले बिद्यार्थीहरुलाई शैक्षिक सामाग्री वितरण गरेको छ ।
शुक्रबार पुनर्वास नगरपालिका-६ स्थित जिवन ज्योती माध्यमिक बिधालयको कक्षा १० मा अध्ययनरत २८ जना छात्रछात्राहरुलाई शैक्षिक सामाग्री वितरण गरेको हो ।
वडा कार्यालयको वार्षिक कार्ययोजना अन्तर्गत विद्यार्थीहरुको शैक्षिक स्त्तरोन्नती होस भन्ने उद्देश्यले शैक्षिक सामाग्री वितरण गरेको वडाध्यक्ष मित्र सिंह लामाले जानकारी दिनुभयो ।
उहाँले शैक्षिक सुधारका लागि यस्ता कार्यक्रम गरिरहेको र आगामी दिनमा पनि निरन्तरता दिने बताउनुभयो ।
शैक्षिक सामाग्री वितरण कार्यक्रममा प्रधानाध्यापक भरत कुमार बस्नेतले वडा कार्यालयलाई धन्यवाद व्यक्त गर्दै आगामी दिनमा पनि बिद्यालयलाई यस्तै सहयोग हुनेछ भन्ने अपेक्षा राखेको सुनाउनुभयो ।
वडा सदस्य,शिक्षक ,बिद्यार्थीहरुहरुको सहभागिता रहेको कार्यक्रमलाई सहजीकरण दलित महिला वडा सदस्य भावना स्वर्णाकार सुनारले गर्नुभएको थियोे ।
