डोकेबजारमा भारतबाट ल्याईएका फुलमाला नष्ट, आई.बी.आर.डी. मा प्लाष्टिकका माला छ्यापछ्याप्ती
पुनर्वास : कंचनपुरमा भारतबाट ल्याउदै गरेको सयपत्री फुलको माला सशस्त्र प्रहरीले नष्ट गरेको छ।
बि. ओ. पि . डोकेबजारका सशस्त्र प्रहरी निरीक्षक राजु भण्डारीको कमाण्डमा खटिएको डिउटी टोलिले आईतबार बिहान भारतबाट ल्याउदै गरेको सयपत्री फुलका माला नियन्त्रणमा लिई नष्ट गरेको हो ।
Upgrade with 0% interest
१ सय ४० पिस सयपत्री फुलका माला भन्सार बन्द हुदा नष्ट गर्नु परेको सशस्त्र प्रहरी निरीक्षक राजु भण्डारीले बताउनुभयो । करिब सात हजार मूल्य बराबरको सो फुलका माला वडाअध्यक्ष, स्थानीय, पत्रकार लगायतको रहोबरमा नष्ट गरिएको हो ।
तर पुनर्वासकै आई.बी.आर.डी. बजारमा भने जिल्ला प्रशासन कार्यालय कंचनपुरले प्रतिबन्धित गरेको प्लाष्टिकका माला बजारमा सजाएर बेच्न राखिएको छ ।
प्रशासनले रोक्न आदेश जारी गरे पनि केही व्यपारीले नियमकै पालना गर्नुको साट्टो धज्जी उडाउदै उल्लंघन गरेको देखिन्छ ।
पछिल्लो समय धनगढी उपमहानगर पालिकाले पलास्टिकका फुलमालामा पुर्ण प्रतिबन्ध लगाएकाले भारतबाट समेत फुलका मालाको चोरी पैठारी बढेको हुनसक्ने सशस्त्र प्रहरीले आशंका गरेको छ।
