रेडक्रस उपशाखा पुनर्वासद्वारा जाजरकोट र रुकुमका भुकुम्प पिडितहरुलाई राहत संकलन
पुनर्वास -जाजरकोट तथा पश्चिम रूकुमका भुकम्प पिडितलाई सहयोग पुर्याउने उद्देश्यले पुनर्वासमा राहत संकलन गरिएको छ ।
नेपाल रेडक्रस सोसाइटी उपशाखा पुनर्वासले गत तिन दिन यता १ लाख १४ हजार ५ सय ९१ रूपैया संकलन गर्न सफल भएको छ ।
शुक्रबार रेडक्रस सोसाइटी पुनर्वास उपशाखा अध्यक्ष कृष्णबहादुर तामाङको अध्यक्षतामा बैठक बसी संकलन भएको रकम शुक्रबार नै कञ्चनपुर रेडक्रस जिल्ला शाखा पठाईएको उपशाखाका सचिव रूपेश खरेलले बताए ।
रेडक्रस उपशाखा पुनर्वासले गत तिनदिन देखि स्थानीय क्षेत्रका पुनर्वास नगरपालिका-६,प्रतिभानगर बजार, पुनर्वास नगरपालिका- ३ आई.बी.आर.डी. बजारक्षेत्रबाट ५० हजार २ सय ८० र विभिन्न निजि तथा सामुदायिक बिद्यालय अन्तर्गत जुनियर रेडक्रस सर्कल , युवा रेडक्रस सर्कल तथा शिक्षहरूबाट ६४ हजार ३ सय ११ गरि १ लाख १४ हजार ५ सय ९१ रकम संकलन भएको शाखा अध्यक्ष कृष्णबहादुर तामाङले जानकारी दिए ।
रेडक्रस उपशाखा पुनर्वासले मनकारी सहयोगीहरूलाई स्व:स्फूर्त रूपमा राहत सहयोग गर्न समेत अपिल गरेको छ ।
कार्तिक १७ गते राति जाजरकोटको रामीडाँडा केन्द्रबिन्दू भएर गएको भूकम्पले जाजरकोट र रुकुममा ठुलो जनधनको क्षति गरेको थियो ।
