बेलौरीका होटल सञ्चालक बडायकमाथी कुटपिट
बेलौरी । कञ्चनपुरको बेलौरीमा एक जना होटेल सञ्चालकमाथि कुटपिट भएको छ ।
बेलौरी बजारमा रहेको फेमिली रेस्टुरेन्टका सञ्चालक सुरेश कुमार बडायकमाथि धारिलो हतियारले कुटपिट भएको हो ।उनले बिहिबार राती सामाजिक संजालमा एक भिडियो हाल्दै आफुलाइ कुटपिट भएको बताएका छ्न ।
भिडियोमा उनले बबिन भट्ट भन्ने व्यक्तिले पिटेको आरोप लगाएका छ्न । बडायकको निधारमा गहिरो चोट लागेको छ । उनले अस्पतालको शैय्याबाटै सामाजिक सञ्जाल फेसबुकमा हालेको छोटाे भिडियोमा आरआइटी र सिआइबीको टिमले कुटपिट गरेको बताएका छन ।
रातिको समयमा अचानक “केही अराजक तत्व डिआइजीको मान्छे” भन्नेले साङ्घातिक हमला गरेको र बेलौरी इलाका प्रहरी कार्यालयले पनि कुनै सुनुवाइ नगरेको आरोप लगाएका छन् ।
इलाका प्रहरी कार्यालयका प्रमुख प्रहरी निरीक्षकसित सम्पर्क हुन सकेन । मुद्दा शाखाका सइ प्रकाश जोशीले घटनाबारे जानकारी आएको र अनुसन्धान सुरु भैसकेको जानकारी दिएका छन् ।
