पुनर्वासको सिमरीमा टिप्पर र मोटरसाईकल ठोक्किदा एकजनाको मृत्यु
पुनर्वास- मंगलबार बिहानै कंचनपुरको पुनर्वास नगरपालिका-५, सिमरीमा टिप्पर र मोटरसाईकल एकआपसमा ठोक्किदा एक जनाको मृत्यु भएको छ ।
ठक्करबाट सिमरी गाउँकै ५५ वर्षिय मोतिलाल रानाको उपचारका क्रममा मृत्यु भएको ईलाका प्रहरी कार्यालय त्रिभुवनबस्तीका प्रहरी निरीक्षक नरेशराज मल्लले जानकारी दिए ।
धनगढी तर्फ गईरहेको सु.प.प्र.०१-००१क २२०० नम्बरको टिप्परसंग सिमरी गाउँभित्रबाट विपरित दिशाबाट हुलाकी सडकमा आईरहेको से.४प. २२७१
नम्बरको मोटरसाईकल ठोक्किदा गम्भिर घाईते भएका रानाको उपचारका क्रममा मृत्यु भएको हो ।
उनको दुर्घटना लगत्तै उपचारका लागि धनगढी स्थित माया मेट्रो हस्पिटलमा लगिएको पुनर्वास नगरपालिका-५ का वडाध्यक्ष पदमबहादुर रोकायाले बताए ।
अहिले मृतक रानाको शव पोष्टमार्टमका लागि सेती प्रादेशिक अस्पताल धनगढी पठाईएको र टिप्पर,मोटरसाइकल र चालक ईलाका प्रहरी त्रिभुवनबस्तीको नियन्त्रणमा रहेको प्रहरीबाट बुझिएको छ ।
