लालझाडी कप : आयोजक सेतोलाई हराउँदै न्यू भानुयुवा क्लब विजयी
पुनर्वास – कञ्चनपुरको पुनर्वास नगरपालिका–१० भिमबस्तीमा सञ्चालन भईरहेको सातौँ लालझाडी कप फुटबल प्रतियोगिताको क्वार्टर फाईनल खेलमा न्यू भानु युवा क्लब विजयी भएको छ ।
मोहन गुरुङ स्मृति वडा अध्यक्ष सातौँ लालझाडी कपमा आज शनिबार भएकोे अन्तिम तथा चौथो खेलमा आयोजक सेतो टिमलाई शुन्यका विरुद्ध ३ गोल प्रहार गर्दै न्यू भानु युवा क्लब विजयी भएको हो ।
खेलमा न्यू भानुयुवा क्लबका जर्सी नम्बर ९९ का खेलाडी विवेक बोगटीले लगातार तीन गोल प्रहार गर्दै आयोजकका तर्फबाट म्यान अफ द म्याचको उपाधी प्राप्त गरेका थिए ।
फागुन ३० गते सम्म सञ्चालन हुने सो प्रतियोगितामा १६ टीमको सहभागिता रहेको छ । भने विजेता टिमले दुई लाख ११ हजार एक सय ११ साथमा सानदार ट्रफी र द्धितिय हुने टिमले नगद एक लाख ११ हजार एक सय ११ साथमा सानदार ट्रफी पाउने आयोजकले जनाएको छ ।
आज दिउँसो ३ बजे दशरथ युवा क्लब र न्यू भानु युवा क्लब बीच पहिलो सेमीफाईनल खेल हुनेछ ।
