पुनर्वासबाट ४ ग्राम खैरो हिराईन सहित दुई जना पक्राउ
पुनर्वास– कञ्चनपुरको पुनर्वास नगरपालिका–११, अमरबस्तीबाट लागुऔषध खैरो हिराईन सहित दुई जना पक्राउ परेका छन् ।
बुधबार बिहान ७ बजेतिर लागुऔषधको कारोबार गरिरहेको अवस्थामा घरबाटै ४ ग्राम खैरो हिरोईन सहित दुई जना पक्राउ परेका हुन् ।
पक्राउ पर्नेमा अमरबस्ती बस्ने उत्तम महर्जनको छोरा वर्ष ३२ को सविन महर्जन र सोहि ठाउँ बस्ने दलबहादुर बि.क.को छोरा वर्ष २६ को राजु बि.क.रहेको प्रहरीले जानकारी दिए ।
नेपाल प्रहरी प्रदेश कार्यालय महेन्द्रनगरबाट सादा पोषाकमा खटिएको प्रहरी टोली र ईलाका प्रहरी कार्यालय त्रिभुवनबस्तीका प्रहरी निरिक्षक नरेशराज मल्लको नेतृत्वमा रहेको प्रहरी टोलीले दुई जनालाई नियन्त्रणमा लिएको हो ।
पुनर्वास खुला सीमानाकासँग जोडिएको क्षेत्र भएका कारण लागुऔषधको कारोवार र सेवनकर्ताहरु नियमित प्रहरीले पक्राउ गर्दै आएपनि यस्ता गतिविधि अझै रोकिएको देखिन्न ।
