कृषि विकास बैंक बेलौरी शाखाको नयाँ काउन्टर भवन उद्घाटन
बेलौरी- कंचनपुरको दक्षिणी क्षेत्रमा पुरानो सरकारी बैंकका रुपमा रहेको कृषि विकास बैंक लिमिटेडको नव निर्मित काउन्टर भवन उद्घाटन गरिएको छ ।
बुधबार बैंकका प्रमुख कार्यकारी अधिकृत अनिल कुमार उपाध्यायाको प्रमुख आतिथ्यमा बैंकको नव निर्मित काउन्टर भवनको उद्घाटन गरिएको हो ।
उद्घाटनकै क्रममा प्रमुख कार्यकारी अधिकृत उपाध्यायाले बैंकिङ्ग क्षेत्रमा वर्षौ देखि यस क्षेत्रका जनताका पहिलो सहयात्रीका रुपमा सेवा प्रवाह गर्दै आएको बताउनुभयो ।
यस शाखालाई सुविधा सम्पन्न बनाई आगामी दिनमा अझै थप सेवा विस्तार गर्दै लैजाने उहाँको भनाई थियो ।
त्यस्तै उद्घाटन कार्यक्रममा बोल्दै बेलौरी शाखाका पुनर्वासका ग्राहक भरत बिष्टले पुनर्वासमा पनि कृषि विकास बैंकको शाखा निकै आवश्यकता रहेको जानकारी गराउनु भएको थियो ।
कार्यक्रममा धनगढीका क्षेत्रीय डाईरेक्टर योगेन्द्र बहादुर सिंह लगायत ग्राहकहरुको उल्लेख्य सहभागिता थियो ।
बेलौरी शाखाका प्रबन्धक दिपक कुँवरको सभाध्यक्षमा सम्पन्न उद्घाटन कार्यक्रमलाई सञ्चालन सुब्बा सन्तोष भण्डारीले गर्नुभएको थियो ।
