साईन नेपालद्वारा गोदावरीको ओलानीमा नि:शुल्क संचालित सिलाई कटाई तालिम सम्पन्न

Above Article Content Ad

हरिलाल जोशी
ओलानी- मानवीय सेवामा अनेकौं प्रयास (साईन नेपाल) नामक संस्थाले कैलालीको गोदावरी नगरपालिकाको ओलानीमा महिलाहरुका लागि आयोजना गरेको नि:शुल्क बेसिक सिलाई कटाई तालिम सम्पन्न गरेको छ ।

मंगलबार साईन नेपालका अध्यक्ष भक्तराज जोशीको अध्यक्षतामा एक कार्यक्रमको आयोजना गर्दै बेसिक (तीन महिने) सिलाई कटाई तालिममा सहभागी २० जना महिलालाई प्रमाणपत्र दिदै तालिम सम्पन्न गरेको हो ।

Article inline ad #1

संस्थाको केयर एण्ड रिलिफ परियोजना अन्तर्गत महिलाहरुलाइ आयआर्जनमा आत्मनिर्भर बनाउन सहभागीहरुलाई एक-एक थान सिलाई मेशिन र अन्य औजारहरु समेत दिएको संस्थाका अध्यक्ष जोशीले जानकारी दिए ।

संस्थाले गोदावरी नगरपालिका-४ को काफल पानी, अमरगडी ६-७ को पोखरा डडेल्धुरा र पुर्वीचौकि- ७ को पोखरीमा पनि नि:शुल्क ३ महिने सिलाइकटाई तालिम सञ्चालन गरिरहेको छ ।

Below Article Content Ad