गायक बद्री पंगेनी र गायिका हेमन्त भट्टराईको नयाँ तीज गित आज सार्वजनिक हुँदै
काठमाडौं । हिन्दु नारीहरूको महान पर्व तीज २०८३ लाई लक्षित गर्दै गायक बद्री पंगेनी र गायिका हेमन्ता भट्टराईको स्वरमा नयाँ तीज गीत “पति पर्मेश्वर” सार्वजनिक हुने भएको छ।
गायिका हेमन्ता भट्टराईको शब्द तथा संगीत रहेको उक्त तीज गीत आज (आइतबार) दिउँसो ४ बजे पुष्कर अवस्थीको युटुब च्यानल मार्फत सार्वजनिक हुनेछ।
गीतमा अविशेक खड्का, गीता ढुंगाना, पुष्कर अवस्थी र करुणा पाण्डेको अभिनय रहेको छ।
तीजका नाममा पछिल्लो समय बढ्दो तडकभडकभन्दा फरक, पर्वको मौलिकता र पारिवारिक प्रेमको भाव बोकेको गीतका रूपमा यसलाई प्रस्तुत गरिएको छ। पार्वतीले भगवान् महादेवको दीर्घायु र सुख–समृद्धिको कामना गर्दै गरेको व्रतको धार्मिक भावलाई आधार बनाउँदै श्रीमान्–श्रीमतीबीचको प्रेम, विश्वास र समझदारीले परिवारमा सुख र खुसी ल्याउँछ भन्ने सन्देश गीतले दिनेछ।
तीजको संस्कृति, प्रेम र पारिवारिक सम्बन्धलाई जोडेर तयार पारिएको यो गीतले दर्शक–श्रोताको मन जित्ने अपेक्षा गरिएको छ।
