डोल्पाको त्रिपुरासुन्दरीमा सडक ठेक्कामा भ्रष्टाचार
काठमाडौं – डोल्पाको त्रिपुरासुन्दरी नगरपालिकामा मोटरबाटो स्तरोन्नतिको ठेक्कामा अनियमितता गरेको अभियोगमा ठेकेदार कम्पनीसहित ८ जनाविरुद्ध भ्रष्टाचार मुद्दा दायर भएको छ ।
त्रिपुरासुन्दरी नगरपालिका–५ खदाङदेखि ल्हाँसम्मको मोटरबाटोको ठेक्का मिलोमतोमा दिएको र भुक्तानीमा आर्थिक अनियमितता गरेको अभियोगमा अख्तियार दुरुपयोग अनुसन्धान आयोगले सोमबार विशेष अदालत काठमाडौंमा मुद्दा दायर गरेको हो ।
यस्तै एमआईएस अपरेटर हरिचन्द्र बिष्ट, मुल्याङ्कन समितिका सदस्य (एनसीसीएसपी परियोजना इन्जिनियर) शिशिरकुमार गुरुङ र दिव्या निर्माण सेवाका सञ्चालक भीमराज न्यौपानेविरुद्ध पनि विशेष अदालतमा मुद्दा दायर भएको छ ।
८३ लाख ८२ हजार ९९८ रुपैयाँ ८२ पैसा लागत अनुमान गरिएको उक्त सडक निर्माणको ठेक्का प्रक्रियामा दिव्या निर्माण सेवा प्रालिलाई अनुचित रूपमा ठेक्का दिइएको आयोगको ठहर छ ।
बोलपत्र मुल्याकंन समितिले नागरिकता प्रमाणपत्र अनिवार्य शर्त नभएको हुँदाहुँदै पनि सो शर्तको कारण देखाई अन्य बोलपत्रदातालाई अस्वीकृत गरी बढी रकम कबोल गर्ने कम्पनीलाई ठेक्का प्रक्रियामा छनोट गरेको देखिएको अख्तियारले भनेको छ ।
त्यस क्रममा दिव्या निर्माण सेवा र कृष्ण निर्माण सेवाको बोलपत्रका कागजातमा एकै व्यक्तिको हस्ताक्षर, समान ढाँचाका कागजात र समान मिति रहेका कारण दुवै कम्पनीबीच मिलेमतो भएको देखिए पनि मूल्याङ्कन समितिले कृष्ण निर्माण सेवालाई अनुत्तीर्ण गरी बढी रकम कबोल गर्ने दिव्या निर्माण सेवालाई ठेक्का दिएको आयोगले जनाएको छ ।
न्यूनतम कबोल रकम २४ लाख ७३ हजार ६१५ रुपैयाँ ६१ पैसा र स्वीकृत बोलपत्र रकम ८० लाख ६२ हजार ६७८ रुपैयाँ ६७ पैसा बीचको फरक ५५ लाख ८९ हजार ६३ रुपैयाँ ६ पैसा बराबरको बिगो कायम गरी आयोगले विशेष अदालतमा आरोप पत्र दायर गरेको छ ।उनीहरूविरुद्ध ५५ लाख ८९ हजार ६३ रुपैयाँ ६ पैसा बिगो कायम गरी भ्रष्टाचार निवारण ऐन, थियो। हात्तीलाई जंगलतिरै धपाएपछि सडक सञ्चालन भएको थियो।
https://shorturl.fm/SQcLj