फरवार्ड बेस कार्किलडाँडाद्धारा ४ लाख मुल्य बढीको अबैध सामान बरामद
शुक्रबार मात्रै १४ हजार मूल्यको प्रतिवन्धीत माछा नष्ट
कञ्चनपुरमा भारतबाट अवैध रुपमा ल्याई बेवारीसे अवस्थामा छाडीएको प्रतिवन्धीत माछा नष्ट गरीएको छ । बेलौरी १ फटैया सिमा क्षेत्रबाट सशस्त्र प्रहरीले भारतबाट अबैध रुपमा नेपालको क्षेत्रमा ल्याई छाडेको १४ हजार मूल्य बराबरको ४० किलो प्रतिवन्धीत माछा बरामद गरेर नष्ट गरेको हो ।
शुुक्रबार फरवार्ड बेस कार्किलडाँडाका सशस्त्र प्रहरी नायब निरिक्षक भरत बहादुर विष्टको कमाण्डमा खटिएको ५ जनाको पैदल सिमा गस्ती टोलीले १४ हजार मूल्य बराबरको ४० किलो प्रतिवन्धीत माछा बरामद गरेर नष्ट गरेको फरवार्ड बेस कार्किलडाँडाले जनाएको छ । बरामद प्रतिवन्धीत माछा जनप्रतिनिधि, स्थानीय र पत्रकारकोे रोहबरमा नष्ट गरिएकोे छ ।
यस्तै फरवार्ड बेस कार्किलडाँडाका सशस्त्र प्रहरी नायब निरिक्षक भरत बहादुर विष्टले कमाण्ड समाले यता ४ लाख बढीको सामान बरामद गर्नुभएको छ । जसमध्ये ६६ हजार ४ सय मुल्य बराबरको अखाद्य बस्तु नष्ट गरीएको छ भने ३ लाख ३४ हजार ९ सय ४८ मुल्य बराबारको सामान भन्सार दाखीला गरेको फरवार्ड बेस कार्किलडाँडाले जनाएको छ ।
