भैरब बिद्या निकेतनको वार्षिक परीक्षाफल प्रकाशन तथा अभिभावक दिवस सम्पन्न
पुनर्वास- कंचनपुरको पुनर्वास नगरपालिका-२, दशरथबस्तीमा अवस्थित भैरब बिद्या निकेतनको वार्षिक परीक्षाफल प्रकाशन तथा अभिभावक दिवस सम्पन्न भएको छ ।
मंगलबार एक भव्य समारोहका बीच अभिभावक र विद्यार्थीहरुका माझ विद्यालयले बार्षिक परिक्षाफल प्रकाशन गरेको हो ।
विद्यालयका प्रीन्सिपल लालबहादुर खड्काको सभाध्यक्षता तथा जनता बहुमुखी क्याम्पसका अध्यक्ष पदम थापाको प्रमुख आतिथ्यतामा सम्पन्न कार्यक्रमको विशिष्ट अतिथिमा पुनर्वास नगरपालिका-५ का वडासचिव रामराज जोशी,विद्यालय व्यवस्थापन समितिका अध्यक्ष अर्जुन बहादुर पुजारा,शिक्षक अभिभावक संघका अध्यक्ष लालबहादुर बोहरा रहनुभएको थियो । त्यस्तै विभिन्न व्यक्तित्वहरुको आतिथ्यता थियो ।
कार्यक्रममा बोल्नुहुँदै प्रमुख अतिथी क्याम्पसका अध्यक्ष पदम थापाले छोटो समयमा विद्यालयले गरेको प्रगति देख्दा आफू निकै खुशी भएको बताउनुभयो ।
“आफुले उत्पादन गरेको विद्यार्थीको प्रगती देख्दा निकै गर्व लागेको छ ।” उहाँले भन्नुभयो, “गुणस्तरीय शिक्षामा नगरपालिकाकै एक नमुना संस्थागत विद्यालयको रुपमा स्थापित बनोस शुभकामना छ ।”
केहि संस्थागत विद्यालयहरुका कारण सबै विद्यालयहरुलाई हेर्ने नजर गलत छ । त्यसकारण मुनाफा भन्दा गुणस्तरीय शिक्षा प्रवाहमा जोड दिन उहाँले अनुरोध गर्नुभएको थियो ।
त्यस्तै, कार्यक्रमका सभाध्यक्ष प्रीन्सिपल लालबहादुर खड्काले गुणस्तरीय शिक्षा प्रदान गर्ने उद्देश्यले विद्यालय स्थापना गरेको बताउनुभयो ।
अभिभावकहरुको बाक्लो सहभागितामा विद्यार्थीहरुको गायन, नृत्य सहितको साँस्कृतिक कार्यक्रम रहेको थियो ।
शिक्षक हेमराज जोशीको स्वागत मन्तव्यसंगै सुरु भएको कार्यक्रमलाई सञ्चालन शिक्षक कनैया रानाले गर्नुभएको थियो ।