त्रिभुवनबस्तीका प्रमुख प्रहरी निरीक्षक हेमराज भट्ट पुरस्कृत
कञ्चनपुर । ईलाका प्रहरी कार्यालय त्रिभुवनबस्तीका प्रमुख प्रहरी निरीक्षक हेमराज भट्ट पुरस्कृत भएका छन् ।
मंगलबार ६८औँ प्रहरी दिवसको अवसरमा उत्कृष्ट काम गरेको भन्दै त्रिभुवनबस्तीका प्रमुख प्रहरी निरीक्षक भट्ट सहित सात जना प्रहरी पुरस्कृत भएका हुन् ।
त्यस्तै कार्यक्रममा प्रहरी निरीक्षक ईश्वर बहादुर थापा, प्रहरी सहायक निरीक्षकत्रय बिरेन्द्र सिह धानुक, महादेव पन्त, पर्वत सिह गुरु, प्रहरी हबल्दार पदम खडका र प्रहरी जवान महेश सिह बोहरालाई पुरस्कृत गरिएको जिल्ला प्रहरी कार्यालय कञ्चनपुरका प्रवक्ता डिएसपी प्रकाश डाँगीले जानकारी दिए ।
जिल्ला प्रहरी कार्यालय कञ्चनपुरले प्रहरी अधिकृत तथा कर्मचारीलाई काममा थप हौसला प्रदान होस भन्ने उद्देश्यले सातै जनालाई दोसल्ला,प्रमाण पत्र र नगद रकमले सम्मान गरिएको थियो । प्रहरी निरीक्षक भट्टले त्रिभुवनबस्तीको कमाण्ड सम्हालेको पहिलो दिनमै जुवा खेलीरहेको अवस्थामा मेडिकलबाट सात जना पक्राउ गरेको थियो । त्यस्तै प्रहरी निरीक्षक भट्टले देह व्यापारमा संलग्न ४ जनालाई पक्राउ,मृत फेला परेकी युवतीका ५ जना हत्यारालाई सार्वजनिक लगायत सीमाबाट हुने तस्करी नियन्त्रणमा सक्रिय भुमिकाले चर्चा कमाएका थिए ।
