डोटीको मौवामा जिप दुर्घटना हुँदा एकको मृत्यु , तीन घाइते
डोटी । डाेटिमा भएको जिप दुर्घटनामा एकको मृत्यु भएको छ । भने तीन जना घाइते भएका छन् ।
बुधवार साँझ डोटीको आदर्श गाउपालिका २ मौवा स्थित भित्री सडक खण्डमा दुर्घटना भएको हो । मौवा देखि सायलतर्फ जाँदै गरेको जिप दुर्घटना भएको थियो ।
आदर्श गाउपालिका १ बस्ने बर्ष ४२ का बिर बहादुर खड्काले चलाएको बा १ झ ९४३९ नम्बरको जिल्ला समन्वय समिति डोटीको जिप अचानक अनियन्त्रित भई सडकबाट करिब ५ मिटर तल खसेको प्रहरीले जनाएको छ ।
उक्त गाडीमा सवार आदर्श गाउपालिका १ बस्ने बर्ष ६५ की हिरा खड्काको घट्नास्थलमा मृत्यु भएको छ भने चालक सहित सोही ठाउका टेक बहादुर तिरुवा र रबिन्द्र सुनार घाईते छन् ।
उनीहरूको मौवा स्वाथ्य चौकीमा उपचार भईरहेको छ । घटना भएको सूचना प्राप्त हुनासाथ प्रहरी टोली खटिई उद्वार गर्नुका साथै थप अनुसन्धान भईरहेको जनाइएको छ ।
मृतक खड्का डोटीका पूर्व माननीय लाल बहादुर खड्काको धर्मपत्नी हुन् ।
