पुनर्वास ११ मा सात वटा खोप केन्द्रबाट दादुरा- रुवेला विरुद्धको खोप दिइने
पुनर्वास । पुनर्वास नगरपालिकाको वडा नम्बर ११ मा सात वटा खोप केन्द्रबाट दादुरा-रुवेला विरुद्धको खोप दिइने भएको छ । भोलि जेठ २५ गतेदेखि वडाले पनि ६ महिनादेखि १५ बर्ष मुनिका बालबालिकालाई आधारभुत वडा स्वास्थ्य चौकी ११ ले सो खोप दिन लागेको हो ।
आधारभुत वडा स्वास्थ्य चौकी ११ अमरबस्तीका अनुसार वडामा सात खोप केद्रमार्फत बिहान ८ बजेदेखि खोप दिइन लागेको हो ।
Upgrade with 0% interest
आधारभुत वडा स्वास्थ्य चौकी ११ अमरबस्तीकी इन्चार्ज चेतना न्यौपानेका अनुसार जेठ २५ गते आर्दश बोर्डिङ र पपुलर बोर्डिङ स्कुलमा खोप दिइने भएको छ । यस्तै २६ गते कञ्चन पब्लिक स्कुल र पशुपती शिक्षा मन्दिरको खोप केन्द्र मार्फत खोप दिइने भएको हो । यस्तै २७ गते एउटा खोप केन्द्र डोकेबजारबाट दिइने भएको छ भने २८ गते राष्ट्रिय माबि र २९ गते स्वास्थ्य संस्थाको खोप केन्द्रमार्फतखोप दिइने जनाएको छ ।
खोप अभियान बिहान ८ बजेदेखि दिउसो २ बजेसम्म रहनेभएकाले सो उमेरका आ आफ्ना बालबाललिकालाई सो खोप लिनको लागि सहयोग गरिदिन समेत आधारभुत वडा स्वास्थ्य चौकी अमरबस्तीले आग्रह गरेको छ । नगरपालिकाले २० हजार ७ सय २२ बालबालिकालाई खोप लगाउने लक्ष्य लिएको छ ।
अहिले जिल्लामा ३३ जनामा दादुरा रोग फेला परेका छन् । जसमध्ये वडा नम्बर ११ मा एक जनामा दादुरा पुष्टि भएको छ ।
