पुनर्वास नगरपालिकाले खरिद ग¥यो महाप्रस्थान यान
पुनर्वास– कञ्चनपुरको पुनर्वास नगरपालिकाले मृत शरिरलाई घरबाट घाट सम्म लैजानका लागि महाप्रस्थान यान खरिद गरेको छ ।
सोमबार नगरपालिकामा उपमेयर भुलियाकुमारी रानाले महाप्रस्थान यानको उद्घाटन गर्दै सञ्चालनमा ल्याएको हो ।
नगरपालिकाले चालु आर्थिक वर्षको २३ लाख बजेटम ईबिड मार्फत खरिद भएपनि सम्पूर्ण निर्माण सहित जम्मा अठ्ठाईस लाख खर्चको अनुमान गरिएको पुनर्वास नगरपालिकाका प्रमुख प्रशासकिय अधिकृत गणेश सिँह ऐरीले जानकारी दिनुभयो ।
त्यस्तै नगरप्रमुख तोयप्रसाद शर्माले आफु निर्वाचित पछि पदभार ग्रहण गर्दै सुकुम्बासी समस्या समाधान र महाप्रस्थान यान सञ्चालनमा ल्याउने पहिलो निर्णय गरे अनुरुप महाप्रस्थान यान खरिद गरेको बताउनुभयो ।
निर्णयपछि तत्कालै खरिद गर्ने योजना भएपनि विभिन्न प्रक्रियागत समस्याका कारण वर्षदिन लाग्न गएको उहाँको भनाई छ ।
नगरपालिकामा महाप्रस्थान यान ल्याएपछि सामाजिक सञ्जालमा मेयर,उपमेयरसँगै सिङ्गो नगरपालिकाको चर्चाले रंगिएको छ ।
उक्त महाप्रस्थान यान आज (मंगलबार) देखि निःशुल्क रुपमा सञ्चालनमा ल्याईने नगरपालिकाका नगरप्रम्ुख शर्माले जानकारी दिनुभयो ।
