अलंकार पब्लिक स्कुलको १३ औं वार्षिकोत्सब तथा अभिभावक दिवस सम्पन्न

पुनर्वास– कञ्चनपुरको पुनर्वास नगरपालिका–८, क–गाउँमा अवस्थित श्री अलंकार पब्लिक स्कुलको १३ औं वार्षिकोत्सव तथा अभिभावक दिवस सम्पन्न भएको छ । आईतबार पुनर्वास नगरपालिकाका नगर प्रमुख तोयप्रसाद शर्माको प्रमुख आतिथ्यमा विविध कार्यक्रमको आयोजना गर्दै सम्पन्न भएको हो ।

प्रमुख अतिथी शर्माले पानसमा बत्ती बालेर औपचारिक कार्यक्रमको उद्घाटन गर्नुभएको थियो । बिद्यालयका अध्यक्ष चक्रप्रसाद ओझाका सभाध्यक्ष तथा पुनर्वास नगरपालिका–८ का वडाध्यक्ष राना श्रवणको विशिष्ट आतिथ्यमा सम्पन्न कार्यक्रमको अतिथीमा विभिन्न व्यक्तित्वहरु आसिन रहनुभएको थियो ।

कार्यक्रममा बोल्नुहँदै प्रमुख अतिथी नगर प्रमुख तोयाप्रसाद शर्माले छोटो समयमा बिधालयको प्रगती उन्नती धेरै भएको बताउनुभयो । उहाँले निजि बिधालयलहरुलाई नाफामुखीका रुपमा हेर्ने गरेपनि गुणस्तरीय शिक्षाको पाटोलाई नर्बिसन बिधालय प्रशासनलाई अनुरोध गर्नुभएको थियो । त्यस्तै कार्यक्रममा बिशिष्ट अतिथीको आसनबाट वडाध्यक्ष रानाले बिधार्थीहरुलाई किताबी ज्ञान मात्रै नभई अतिरिक्त क्रियाकलापहरुमा पनि जोड दिनुपर्ने बताउनुभयो ।

बिधालयका प्रिन्सिपल पुष्पराज ओझाले वार्षिक प्रतिवेदन प्रस्तुत गर्नुभएको कार्यक्रममा बिधालयकी शिक्षिका कोपिला अमगाईको स्वागत मन्तव्य राख्नुभएको थियो । भने कार्यक्रमलाई सञ्चालन शिक्षक बलबहादुर बि.क.ले गर्नुभएको थियो ।