पुनर्वासमा युवती बलात्कार आरोपमा सशस्त्रका जवान सहित ४ जना पक्राउ
कञ्चनपुर, अषाढ ३१ । शुक्रबार कंचनपुरको पुनर्वासमा युवती बलात्कार आराेपमा सशस्त्र प्रहरीका जवान सहित ४ जनालाई प्रहरीले पक्राउ गरेकाे छ ।
युवती बलात्कार आरोपमा पुनर्वास नगरपालिका- ९, ख गाउँ बस्ने २४ बर्षिय शुसिल बिष्ट, साेहि ठाउँ बस्ने १९ बर्षिय लक्ष्मण सुनार, पृथ्वी भाट क्षेत्री र बिओपी कंकडमा कार्यरत सशस्त्र प्रहरीका जवान २२ बर्षिय खेम प्रसाद जैशीलाई प्रहरीले पक्राउ गरेको हो ।
पुनर्वास-९ का सुशिल बिष्ट र पुनर्वास-८ घर भएकी २० वर्षिय ती युवती बीच प्रेम सम्बन्ध रहेको प्रहरी अनुसन्धानबाट बुझिएको ईलाका प्रहरी कार्यालय त्रिभुवनबस्तीका प्रहरी नायब निरीक्षक गोपाल बोहराले जानकारी दिए ।
आफ्नो घर धनगढी बताएका आरोपित बिष्टले आफुलाई विवाह गर्ने प्रलोभन देखाई अषाढ २३ गते राती करिब साढे ११ बजेको समयमा पुनर्वास-५ उदरी पुल नजिकैको उखु बारीमा लगि अन्य ३ जना साथीहरुबाट सामुहिक बलात्कार भएको पिडित युवतीको बयानबाट खुलेको प्रहरीले जनाएको छ ।
अषाढ ३१ गते पिडित युवतीले ईलाका प्रहरी कार्यालय त्रिभुवनबस्तीमा उजुरी दिएपछि उनीहरूलाई तुरुन्त प्रहरीले पक्राउ गरेको हो ।
पक्राउ परेका आराेपितहरुलाई मेडिकल चेकजाँच गरी जवर्जस्ती करणी अन्तर्गत मुद्दा दर्ता भएको र अहिले ईलाका प्रहरी कार्यालय त्रिभुवनबस्तीको हिरासतमा राखी थप अनुसन्धान भईरहेकाे प्रहरीले जनाएकाे छ ।
