२७ वर्षको सरकारी सेवाबाट अवकास भईन स्वास्थ्यकर्मी नारायणी ?
पुनर्वास- स्वास्थ्य क्षेत्रको लामो सेवापछी कंचनपुरको पुनर्वास नगरपालिका-५, भानुबस्ती स्थायी घर भएकी नारायणी जोशी सरकारी सेवाबाट अवकास भएकी छन ।
कुशल स्वास्थ्यकर्मीको भुमिका निर्वाह गरि जनतालाई स्वास्थ्य उपचारको अनुभुती दिलाउदै उनले आफ्नो जिवनकालको २७ वर्ष सरकारी सेवामा बिताउदै बिहिबार सरकारी सेवाबाट अवकास भएकी हुन् ।
Upgrade with 0% interest
नेपाल सरकारको प्रचलित नियमानुसार ६० वर्ष उमेर पुगेर अवकास भएकी स्वास्थ्यकर्मी जोशीको बिहिबार स्वास्थ्य चौकीमा एक भव्य कार्यक्रमको आयोजना गर्दै नव निर्वाचित नगर प्रमुख तोयप्रसाद शर्मा, उपप्रमुख भुलिया राना, १,२ र ३ वडाका जनप्रतिनिधिहरु, स्वास्थ्य कर्मचारी र स्थानीयले बिदाई गरेको थियो ।
स्वास्थ्यकर्मी जोशी सुरुवात देखि नै कालिका स्वास्थ्य चौकीमा सिनियर अनमीको रुपमा कार्यरत थिईन । बिदाई कार्यक्रममा उपस्थित स्थानीय र सहकर्मीहरुले उनको सेवा प्रती निकै प्रशंसा गरेका थिए ।
बिदाई हुँदै स्वास्थ्यकर्मी जोशीले सरकारी सेवाबाट अवकास भएपनी जनताको सेवामा आफू सदैब कटिबद्ध भई लाग्ने बताईन ।
