पुनर्वासमा नेपाली काङ्ग्रेसका मेयर शर्मा र उपमेयर रानाको जित निश्चित
हरिलाल जोशी
पुनर्वास- कंचनपुरको पुनर्वास नगरपालिकामा नेपाली काङ्ग्रेसबाट मेयर पदका उम्मेदवार तोया प्रसाद शर्मा र उपमेयरमा भुलिया रानाको जित निश्चित देखिएको छ ।
आईतबार पुनर्वास नगरपालिकामा २ हजार १ सय ४६ मत मात्रै गणना गर्न बाकी रहेपछि काङ्ग्रेसका मेयर पदका उम्मेदवार शर्मा र उपमेयर पदका उम्मेदवार रानाको जित निश्चित देखिएको हो ।
१८ हजार ६ सय १३ मत गणना हुँदा सम्म नेपाली काङ्ग्रेसका मेयर शर्माले ७ हजार ३ सय ८८ मत प्राप्त गरेका छन् । त्यस्तै शर्मालाई प्रतिद्वन्दी नेकपा एमालेका मेयर पदका उम्मेदवार पदम पुजाराले ४ हजार १९ मत प्राप्त गर्दै पछ्याउँदै आएका छन् । भने उपमेयरमा नेपाली काङ्ग्रेसकि भुलिया रानाले ५ हजार ५ सय ६३ मत ल्याएकी छिन । उनलाई नेकपा एमालेबाट उपमेयरकी उम्मेदवार सुशीला खत्रीले ४ हजार २ सय ८८ मत ल्याउदै पछ्याएको देखिन्छ ।
पुनर्वास नगरपालिकाको ११ वटा वडा मध्ये पुनर्वास नगरपालिका-१, २, ३, ४, ५, ६, ७, ८ र १० मा मत गणना सम्पन्न भइसकेको र अहिले वडा नम्बर ९ को सुरु गरिएको निर्वाचन अधिकृतको कार्यालय पुनर्वासले जनाएको छ ।
नगरपालिका भरी ३४ हजार ७६ मतदाता रहेकोमा २० हजार ७ सय ५९ मत मात्रै खसेको थियो । यश अघि २०७४ को स्थानीय तह निर्वाचनको मेयर र उपमेयरमा काङ्ग्रेसबाट उम्मेदवार रहेका शर्मा र राना पराजित भएका थिए ।
