पुनर्वासको समग्र विकासलाई समेट्दै नमुना नगर बनाउन मेरो उम्मेदवारी – पुजारा
बैशाख ३० गते हुने स्थानिय तह निर्वाचनका लागि १२ गते नेकपा एमालेबाट पुनर्वास नगरपालिकाको नगर प्रमुखमा पदम बहादुर पुजारा र उपप्रमुख शुशिला खत्रीले उम्मेदवारी दर्ता गरेका छन ।
पुर्नवास नेकपा एमालेको आधार इलाका मात्र नभइ पुनर्वास एमालेको गढ भएको दाबि गर्दै उनले आफ्नो ब्यक्तिगत छवि स्वच्छ भएको कारण आफू चुनाब जित्ने कुरामा बिश्वशत रहेको बताए।
पुनर्वासमा अबको पाच बर्ष कुन कुन क्षेत्रमा कसरी काम गर्ने र समग्र पुनर्वासको बिकासका लागि आफू सङग स्पष्ट भिजन रहेको पनि पुजाराले बताए ।
हरेक क्षेत्रका बिज्ञहरु सङग सल्लाह परामर्श लिने र कुन क्षेत्रमा कसरी बिकास काम गर्दा ठिक होला आम जनता सङग सल्लाह गरेर मात्र अघि बढने उनको भनाइ थियो।
उनले पुनर्वासको माटोले आफुलाई चिनेको र मतदाताले मलाई बिशवास गर्ने भएकाले चुनाव जित्ने सबै भन्दा ठूलो आधार त्यही भएको बताए । यहाको सुकुम्बासी समस्या,सिमा समस्या,शिक्षाका समस्या,स्वास्थका समस्या,यातायातको समस्यामा मेरो विशेष ध्यान रहने बताए ।
