पुनर्वासको सशस्त्र प्रहरी बल आँपतालमा तीन महत्वपूर्ण निर्णयसँगै सम्पन्न भयो समितिको बैठक
पुनर्वास-सीमा क्षेत्रमा हुने अपराधिक गतिविधि नियन्त्रण गर्न सशस्त्र प्रहरीले स्थानीयहरुको सहभागितामा सीमा सहजीकरण समिति गठन गरी सक्रियता देखाउँदै आएको छ।
आइतबार कञ्चनपुरको पुनर्वास नगरपालिका-४, स्थित सशस्त्र प्रहरी बल बोर्डर आउट पोस्ट (बी.ओ.पी.) आँपतालमा वडाध्यक्ष मनोज जैशीको अध्यक्षतामा सीमा सहजीकरण समितिको बैठक सम्पन्न भएको हो।
सो बैठकबाट सीमा क्षेत्रमा हुनसक्ने विभिन्न आपराधिक गतिविधि नियन्त्रण गर्न सीमा सम्बन्धी सूचनाहरू निरन्तर रूपमा एक–आपसमा आदान–प्रदान गर्ने , राजस्व वृद्धि गर्न अवैध रूपमा हुने चोरी निकासी तथा पैठारी नियन्त्रणका लागि सम्बन्धित निकायहरूबीच आपसी समन्वय-सहकार्यलाई सुदृढ बनाउने र सीमा विवाद वा सीमा अतिक्रमण सम्बन्धी समस्या उत्पन्न भए सम्बन्धित पक्षहरूबीच समन्वय-सहकार्य गरी समाधान गर्ने विषयमा तीनवटा महत्वपूर्ण निर्णय भएको बी.ओ.पी. आँपतालका प्रमुख सशस्त्र प्रहरी निरीक्षक विजय प्रताप सिंहले जानकारी दिनुभयो।
बैठकमा समितिका सदस्यहरू र स्थानीयबासीहरुको उल्लेख्य सहभागिता रहेको थियो।
