कस्ले चलाउँछ पुनर्वास नगरपालिकाको फेक पेज ? दुरुस्त पोष्ट आउँदा पालिकाले किन गर्दैन खोजी ?
पुनर्वास–विगत लामो समय देखि पुनर्वास नगरपालिकाको फेसबुक पेजको डुब्लिकेट (फेक) पेज चलिरहँदा पनि पालिकाले कुनै चासो देखाएको छैन् ।
नगरपालिकाको वेबसाईटमा आउने सुचनाहरु तुरुन्तै फेक पेजमा पोष्ट आउछन् । आधाकारिक पेज भनेर सबैले शेयर गरेको पनि देखिन्छ । तर कार्यालयलाई सोध्दा त्यो हामीले प्रयोग गर्ने पेज हैन भन्ने जवाफ आउँछ ।
अनाधिकृत व्यक्तिले नगरपालिका कार्यालयको नाम र एउटै प्रोफाईल फोटो राखेर पालिकाकै अपडेट अनुसार फेक पेजमा अपडेट आउने गरेको भएपनि त्यसतर्फ नगरपालिकाले कुनै चासो नदेखाएको देखिन्छ ।
यस फेक पेजमा हुने अनावश्यक पोष्टले भविष्यमा नगरपालिकालाई के कति असर पर्छ । भन्ने विषयमा न सुचना प्रविधि शाखालाई नै मतलब छ, न कुनै जनप्रतिनिधिलाई चासो छ ।
फेक पेजका विषयमा नगरपालिकाका आईटी महेश भट्टसँग कुरा गर्दा २÷३ वर्ष पहिले प्रहरीलाई निवेदन दिएका थियौ । तर त्यसको समाधान हुन नसकेको बताउनुभयो ।
यस विषयमा कुनै कर्मचारीले नै आईडी चलाएको छ की भनेर एकपटक भोली कार्यालयमा सोधपुछ गर्छु र नभए कानुनी तर्फ कदम चाल्न अगाडी बढ्ने उहाँको भनाई थियो ।
आधिकारिक पेज
https://www.facebook.com/punrwasnagarpalika39
फेक पेज
https://www.facebook.com/punarbasnagarpalika
